Bülbül tək qəmindən nalanəm, ey gül!
Bülbül tək qəmindən nalanəm, ey gül! Naləmdə məşhuri-dövranəm, ey gül!
Bu şəmi-ruyinə daim dövr edən Yazıq pərvanə tək suzanəm, ey gül!
Artmaqda möhnətim saət-bəsaət, Eşqində bitabü təvanəm, ey gül!
Min Dəclə axıdır qanlı göz yaşım, Daima didəsi giryanəm, ey gül!
Göz yaşım axdıqca sel kimi çoşur Hər zaman mövcidi-tufanəm, ey gül!
Sərəfraz edərsən mehmanım olsan, O xaki-payinə qurbanəm, ey gül!
O zaman fələkə yüksələr şənim, Diyari-eşqdə sultanəm, ey gül!
Qoy bəlan bu yazıq canimə gəlsin. Qarşında bəndəyi-fərmanəm, ey gül!
Bütün dünya bilir ki, əzəl gündən – Mən sənin ətrinə Heyranəm, ey gül!
|
© 2011 Ədəbiyyat portalı - www.azerlit.info