Yol vermə gələ məclisə əğyari, məsəl var:

Milçəkləri qənddən, gözəlim, çünki qovarlar.

Zindanda, qəfəsdə sanıram könlümü sənsiz,

Sənsiz nə gülüstan mənə xoşdur, nə çəmənzar.

Vay o kəsin əhvalına, təyin edə bilmir,

Zəng səsləridir, yoxsa ki, bülbüldür edən zar.

Avarə düşən qəlbimin ahi məni üzdü,

Əfsus, doyunca üzünü görmədim, ey yar.

Heyran sənə qurban, yanına qoyma, rəqibi,

Əğyara könül vermə sən ey yari-vəfadar.