Cahanda dərdimə dərman olmadı nalə
Cahanda dərdimə dərman olmadı nalə, Məni bu göz yaşı saldı daha yaman halə.
O mərhəmətli gözəl firqətində gözdən axan Ciyər qanımla üzümdə açıldı min lalə.
O məh camalına hər ayda, ildə bir baxsan, Qaşına səcdə üçün qamətin dönər dalə!
Onun ki, zülfi müəttər[i] damağımı qılmış, Nə müşki-Çinə edər meyl, nə udi-Xalxalə.
Bu köhnə qəm evi dünyadə xoş o kəslərə ki, Vüsali-yar-cavan ilə çatmış iqbalə.
Onun Ayaz kimi sərvi-qaməti boy atar, Görüb onu düşə Məhmud özgə əhvalə.
Paxılların nəzərində hərassız Heyran, Yetir xudaya ümidini həddi-ikmalə.[ii]
|
© 2011 Ədəbiyyat portalı - www.azerlit.info