O məclis içrə ki, oynar sevimli cananım
O məclis içrə ki, oynar sevimli cananım, Ay üzlü dilbərim, ol afitabi-tabanım.
Günəş camallı gözəllər tamam olar məhcub, O yerdə ki, üzünü göstərər o sultanım.
Təravəti pozular gülşənin, gedər hüsni, Qədəm qoyarsa ona sərvi-xoş xuramanım.
Ayaqlanarsa kəsik başlar hansı meydanda, Bilin, o ərsədə badə gedib mənim canım.
O ənbərin saçına şanə vurma, rəhm eylə, Ki, onda daldalanar bu dili-pərişanım.
Bilin o şəhrdə, kim, bir nəfər müsəlman yox, O şəhrdə yaşayır yari-namüsəlmanım.
Gözəllərin hamısından gözəldi öz gözəlim. Cahanda başqasını vəsf qılma, Heyranım!
|
© 2011 Ədəbiyyat portalı - www.azerlit.info