Bir bülbüləm, eyləmiş zəmanə

Qəm oxlarına sinəm nişanə.

Ey dilbərim, ol qaşın gör oxşar

Əbruyi-müqəvvəsi-kəmanə.[i]

O aldadıcı, şirin kəlamın

Qıldı məni dəhrdə fəsanə.

Tək mən deyiləm, min aşiqi sən

Məcnun kimi eylədin divanə.

Bu bikəsi-zari-natavanı

Billah, gətirmisən amanə.

Bir namə yazıb ciyər qanından

Ol canibə eylədim rəvanə.

Heyran, əsiri-eşqin olmuş,

Axır tutuşub çəkər zəbanə.