Verdi bu dəhr-əra bu fələk pöşti-xəm mənə
Verdi bu dəhr-əra bu fələk pöşti-xəm[i] mənə, Cami-bəlavü kaseyi-dərdü ələm mənə.
Yarın fəraqi bir yana, əğyar şadlığı, Bəs olmadı bu qədr cəfavü sitəm mənə?
Gah firqətə tutuşdu tənim, gah möhnətə, Verdi zəmanə zəhri-sitəm dəmbədəm mənə.
Yandı fəraqə cism, zəbun oldu taleim, Bəxti-bədimdən olmadı qəm hiç kəm mənə.
Vəslin məzaqi-kamimi şirin qılmamış, Hicrin içirtdi şərbəti-qəm, lacərəm[ii] mənə.
Məcnun misal dəşti-ələm sərvəti olub, Vəhşü tüyur[iii] oldula, xeylü həşəm[iv] mənə.
Heyran! Fəraqi-yar çəkib, tərki-can elə, Yeydir bu vəz ömrdən axir ədəm mənə. [i] Pöşti-xəm – Bükülü bel. [ii] Lacərəm – Əlbəttə, mütləq, buna görə. [iii] Tüyur – Quşlar. [iv] Həşəm – Ailə, qoşun, dəstə.
|
© 2011 Ədəbiyyat portalı - www.azerlit.info