Ya rəb, kərəm et, ol büti-məhparə qayıtsın
Ya rəb, kərəm et, ol büti-məhparə qayıtsın. Bir rəhm eləsin bu dili-bimarə, qayıtsın.
Bu dil ki, ona mənzil idi, oldu xərabə, Əzm etsə əgər yar, dəxi harə qayıtsın?
Şanə çəkibən çin-çin elə, sal üzə zülfün, Qüllab kimi ucları rüxsarə qayıtsın.
Mürqi-dili-zarim[i] genə avarə qalıbdır, Zülfün xəmin ac, ta ki, bu avarə qayıtsın.
Gəl rəhm elə, qoy aşiqi bir yarə yetişsin, Ərzin eləsin ol büti-xunxarə, qayıtsın.
Çün gövkəbi-bəxtim yetişib nəhs məqamə, Bir əmr elə, ta sabitü səyyarə qayıtsın.
Əhd et, edəsən canüvi sən sidq ilə qurban, Heyran! Yar əgər bir də bu gülzarə qayıtsın.
|
© 2011 Ədəbiyyat portalı - www.azerlit.info