Saldı məni ol kafəri-qəddar ayaqdan
Saldı məni ol kafəri-qəddar ayaqdan, Bir zalimi-bibakü sitəmkar ayaqdan.
Neynim, nə edim kim, məni-sərgəştəni saldı Ol cövrü cəfa mənbəi, xunxar ayaqdan.
Hicran ələmi aldı qərarımı əlimdən, Saldı nə deyim həsrəti-didar ayaqdan.
Pərvanəni şəmin odu yandırdı dəmadəm, Gülşəndə salıb bülbülü bir xar ayaqdan.
Kim bu, necə insaf idi, yaran, ki, salsın Öz aşiqini yari-vəfadar ayaqdan.
Etmə bu qədər cövrü cəfa aşiqə, cana! Əlbəttə salır bu qədər azar ayaqdan.
Saldı o sitəmpərvəri-bibak,[i] cəfakar, Heyrani-sitəmdidəni yekbar ayaqdan.
|
© 2011 Ədəbiyyat portalı - www.azerlit.info