Yardan yetdi bizə müjdeyi-didar bu gün
Yardan yetdi bizə müjdeyi-didar bu gün, Eyzədin[i] mərhəməti gör ki, bizə var bu gün.
Lilləhilhəmd ki, əhbab olub şad genə, Rəşkdən tar olub dideyi-əğyar bu gün.
Dustlər badeyi-eşq ilə tərəbnak[ii] olub, Şövkəti-düşməni-dun oldu nikunsar[iii] bu gün.
Lütf edib, rəhm elədi halıma ol qaş ilə göz, Dərdimə çarə qılıb, ləli-gövhərbar bu gün.
Var ümidim ki, bizə rəhm eləyə yari-əziz, Bəxtimiz xabi-ələmdən ola bidar bu gün.
Bəxtimin kovkəbi bir səd məqamə[iv] yetişib, Oldu yarın kərəmi qəmlərə qəmxar bu gün.
Elə, Heyran, bu şükri nə qədər ömrün var, Verdi çün mətləbini qadiri-qəhhar[v] bu gün. [i] Eyzəd – Allah. [ii] Tərəbnak – Sevincli, şad. [iii] Nigunsar – Bükülü, başıaşağı, məhv olmuş və s. [iv] Səd məqam – Xoşbəxt mərtəbəli, bəxtəvər. [v] Qadiri-qəhhar – Cəzalandırmağa qadir olan Allah.
|