Olubdu qəm yatağı şad gördüyün könlüm.

Dağıldı qüssədən abad gördüyün könlüm.

Diyari-qəmdə giriftarü dəstgir oldu,

Kəməndi-firqətə, azad gördüyün könlüm.

Fəraq dərdinə axtardı, tapmadı çarə,

Cəmii hikmətə ustad gördüyün könlüm.

Səriri-vəsldə[i] Xosrov sifət oturmuşdu,

Olubdu guhdə Fərhad, gördüyün könlüm.

Fəraqi-möhnətə düşmüş pərişikəstə olub,

Visal seydinə səyyad gördüyün könlüm.

Hücumi-möhnətü qəmdən, süpehri-əlayə![ii]

Yetirdi naləvü fəryad, gördüyün könlüm.

Çəkib şərarələr, etdi vicudimi, Heyran,

Misali-kureyi-həddad[iii] gördüyün könlüm.