Gedər əqlim sərimdən, arizi-rüxsarini görcək,

Olur halım pərişan zülfi-ənbər-barini görcək.

Uçar rəngim üzümdən vəslüvə yetdikcə, ey dilbər,

Dizim titrər, dilim tutmaz sənin didarini görcək.

Düşər nitqi məlahətdən, əzizim, tutiyi-xoşgu,[i]

Çəməndə lal olur bülbül, sənin göftarini görcək.

Çü görsə rəngi-rüxsarın, solar rəngi-güli-həmra,[ii]

Olur pəjmürdə sünbül türreyi-tərrarini görcək.

Dağılar xuşeyi-Pərvin, Bənatünnəş olur bərhəm,[iii]

O mahi-arizində cabəca xallarini görcək.

Gülüstanda sənubərlər həsəddən kəç qılar, ağlar.

Olur sərvin qədi xəm, cilveyi-rəftarini görcək.

Bu xülqi xaliqi-sübhan sənə çün eyləyib ehsan,

Edər canın fəda Heyran, sənin ətvarini görcək.