Eşqi-rüxi-canan genə tüğyan eləyibdir.

Qəlbim odunu atəşi-suzan eləyibdir.

Xurşidi-küsufidi[i] və ya türreyi-şəbrəng,[ii]

Rüxsarına dildar pərişan eləyibdir.

Yaquti-ləbi-yar dürəfşan olubdur,

Ya badi-səba qönçəni xəndan eləyibdir.

Ol çöhreyi-gülrəng idi, ya lütf ilə xaliq,

Məşriqdən iki sübh nümayan eləyibdir!

Bəzilərə bu çərx qılıb məsnədi[iii] qismət,

Mənzil biz üçün guhü biyaban eləyibdir.

Firqət sitəmindən qədimiz dalə dönübdür,

Hicran ələmi bağrımızı qan eləyibdir.

Ol mah məgər təziyə Heyrana tutubdur,

Türrəsin açıb, zülfi pərişan eləyibdir?