Könlüm quşu ol zülfi-pərişan arasında,

Biçarə qalıb cənnətü niran[i] arasında.

Gör kim necə sərgəştə[ii] qalıb valehü tənha,

Ol xali-Xəta ilə Bədəxşan arasında.

Tüğyan eləyib dərdü qəmim, bu dili-zarim[iii]

Bir gəştiyə[iv] bənzər, qala tufan arasında.

Dil[v] zülfilə rüxsarinə çün qıldı tamaşa,

Avarə qalıb küfr ilə iman arasında.

...A, gör nə əcəb möcüzədir, kim necə bitmiş,

Bir sünbüli-tər atəşi-suzan arasında.

Ey dil, eləmə qəm ki, onun yoxdu təfavüt,

Kuyində, çü dərviş ilə sultan arasında.

Çün yar qılıb lütfini kəm, hanı o həmdəm,

Ta sülh qıla yar ilə Heyran arasında.