|
Gün tülu etmiş üfüqdən, arizi çün ayə, bax
Gün tülu[i] etmiş üfüqdən, arizi[ii] çün ayə, bax, Çətri-mişkini salıb xurşid üzrə sayə,[iii] bax.
Qaşları cəllad tək tiqi-sitəm almış ələ, Kirpiyi peykan sifət[iv] pərçəm olubdur yayə, bax.
Ləli-rəxşandır[v] məgər, ya qönçeyi-xəndan, bebin[vi] Dürr sifət dəndani[vii] gör, yaqutvəş ləbhayə[viii] bax.
Fitnələr dünyaya salmış çeşmi-pürəfsuni[ix] gör, Bərcahan atəş zədə,[x] ol ruyi-məhsimayə[xi] bax.
Çün sədəfdir, saf rövşəndir besani[xii]-ayinə, Ləmeyi-nurəst[xiii] guya, gərdəni-minayə bax.
Daneyi-mürği-könüldür,[xiv] aşiyani-mürqi-ruh,[xv] Xali-hinduyə nigər[xvi], bir zülfi-sünbül-sayə bax.
Öldürər, üşşaqra[xvii] hər dəmdə yüz min qan tökər, Can alar təmkin ilə bengər[xviii], bu istiğnayə[xix] bax.
Sərvi-gülzari-cinandır in[xx] və ya huri-behişt, Nazilən cövlan edər, bu qəddi çün rənayə bax.
Mən bəto[xxi] qurban olum, ey Leyliyi-şirin süxən,[xxii] Firqətin Heyranı saldı, əlqərəz, səhrayə, bax. [i] Tülu – Günəşin çıxması. [ii] Ariz – Üz. [iii] Sayə – Kölgə. [iv] Peykan sifət – Ox kimi. [v] Ləli-rəxşan – Parlaq ləl. [vi] Bebin – Gör, bax. [vii] Dəndan – Diş. [viii] Ləbha – Dodaqlar. [ix] Çeşmi-pürəfsun – Ovsunla dolu (cazibəli) göz. [x] Bərcəhan atəş zadə – Dünyaya od vurmuşdur. [xi] Ruyi-məhsima – Ay görkəmli üz. [xii] Besani-ayinə – Ayna kimi. [xiii] Ləmeyi-nurəst – Nur parıltısıdır. [xiv] Daneyi-mürği-könül – Könül quşunun danəsi. [xv] Daneyi-mürği-ruh – Ruh quşunun yuvası. [xvi] Xali-hinduyə nigər – qara xala bax. [xvii] Üşşaqra – Aşiqləri. [xviii] Bəngər – Bax, gör. [xix] Istiğna – Saymamaq, ehtiyac göstərməmək. [xx] Sərvi-gülzari-cinandır in – Bu, behişt gülzarının sərvidir. [xxi] Mən beto qurban – Mən sənə qurban. [xxii] Leyliyi-şirin süxən – Şirin sözlü Leyli.
|