QARDAŞ
Milli Şuraya Sən çıxdın bu minbərdən doğrunu söylə; Yalvarma kimsəyə tanrıdan başqa. Küskünsə talehin, sən ona küsmə. Dinlətdir səsini, çalış... çabala...
Bu baxtsız millətin daddığı acı, Çalış əlac olsun, diriltsin onu. Düşmən başındakı o zəfər tacı, Görsün ki, irqimin deyildir sonu!..
Qüvvəti vicdandan, nuri haqdan al, Hidayət etməyə yol azanları! Gəlməsin yardımsız qəlbinə hilal, Yardım: münəvalar sübh əzanları.
Təmiz alnındakı tozu, torpağı, Haqq üçün açdığın əllərinlə sil! Vətən bir fidandır: yaşıl bayrağı, Soldurmamaq sənin əlindədir, bil!..
1919, noyabr 16 noyabr, 1919-cu il. Milli şuranın açılması münasibətilə çıxan “Azərbaycan”ın fövqəladə nüsxəsi üçün yazıldı.
|
© 2011 Ədəbiyyat portalı - www.azerlit.info