AT BU ÇADRANI
Səni gözdən eyləyən, Gözdən iraqlaşdıran, Bu uğursuz çadranı Fırlat qaranlıqlara. Bitdi qaranlıq gecə, Söndü zülmət, atdı Dan, Nə gizlənmək vaxtıdır, İş hara, çarşaf hara?
Dörd divarın içində, İşıq, günəş görmədən, Bəsdir qulaq verdiyin Qədirbilməz səslərə. Bir yeni hiylə tapdı, Məhvin üçün hər yetən, Dost ikən düşmən oldun "Can!" dediyin kəslərə.
"Namusu" zindanlarda, Zəncirlərdə görənlər. Ölmədən əndamına, Kirli kəfən taxdılar. Bir çox qanlı əsrlər, Bilmədin ki, həyat var; Cəhənnəm qorxusuyla Gül vücudu yaxdılar.
Nə idin, zavallı, sən: Canlı, yaylı bir bəbək, Güldüyün görünürdü, Göz yaşın bilinməzdi, Yağıydı hər kəs sənə. Bilərək, bilməyərək. Çökərdin bucaqlara, Tozların silinməzdi.
Yer üzündə insanlar, Tapınırkən sevgiyə; Sən sevəcək oldunsa, Nəsibin oldu bir ah! Hər dəfə sevdiyində "Qadına haq yox", deyə Bir ağızdan bağırdı Müctəhidlə padişah.
Eşitdim ta əskidən, Daş bütlərin önündə, Qurbanlıq qoyun kimi Baş əyirdin bıçağa. Deyirlər, elə şeylər Var dünyada bu gün də: Nə günlər keçirdin sən Yetişincə bu çağa...
Bir dilsiz quzu kimi, Palas bığlı tacirə, - İstəməz, xatırlama - Satıldığın günləri. Şirvanın bazarından Sürürlərdi hər yerə;
Bağlananlar zülfünə, Misirdən, Hinddən bəri.
Qaranlıq gecələrdə Karvanlar keçir ikən, Yurdunun əfsanəli, Yoncalı yollarından, Qaçmaqmı istəyirdin, Ya nədən də qəflətən Əsirçilər yapışdı Saçından, qollarından? Bir az sonra Bağdadda, Buxurdanlı sarayda, Dərdli qəlbin qanından Mey sunardın vəzirə. Dalğadan kəfənilə Dəclə adlı bir çayda, Qanlı bir toy etdilər Sən sevdiyin əsirə.
Aç, tarixi vərəqlə, Qanlı səhifələrdə Axıtdığın qanı gör Əsirlər karvanında. Eyni dərdlə inləmiş Boğuq səsin hər yerdə. Dünyanın hər yerində Misrində, İranında.
Deyirlər, qısqanclıqdan Bilməm hansı peyğəmbər Bir əbədi intiqam Almaq üçün qadından Demiş ki: "Gizlənməli Bütün çirkin, gözəllər; Əmrdir çarşaf sizə Allahımın adından".
O qanlı gündən bəri. Dodaqlarında yox qan; O qanlı gündən bəri Hıçqırıqla boğuldun. Şah olsun, dərviş olsun. Nankor imiş bu insan; Süd verdin insanlığa, İnsanlıqdan qovuldun.
İndi artıq yıxıldı, Batdı qanlı saraylar. Devirdilər taxtını Qan içən padşahın. İndi dinin dilindən Bambaşqa bir zikir var; Fərqini anlayan yox Savab ilə günahın.
Gəl, gecikmə, çıx artıq, Çıx qarış insanlara! Vur başına zahidin Eşqini, imanını;
|