ÜMİDİMƏ
Mənim bu gün cəhənnəmlik duman almış yollarımı, Bir əzrail pəncəsi ki, sarmış cansız qollarımı. Bir yolçuyam, səmum yeli doldurmuşdur gözlərimi, Bir qərib ki, yad ellərdə anlayan yox sözlərimi, Barı sən gəl, ey gözəl qız, Ey ruhumda doğan ulduz, Göstər mənim qibləm hanı?
Bir zülmkar dəmir qəfəs... Boğulacaq ömrüm yazıq. Parçalandı xəstə könlüm, parçalandı sənsiz artıq. Günahkarın ah-zarını nə haqq dinlər, nə də insan, Yetişərsən fəryadıma, fəğanımı duymuş olsan. Barı sən gəl, gözəl mələk, Gözlərimə bir qanad çək, Göstər mənə cənnət hanı?
11 aprel, 1914
|
© 2011 Ədəbiyyat portalı - www.azerlit.info