|
Berlin ”“ Vyana
Son Vyana inqilabının mübariz qəhrəmanlarına. Teleqraf telləri üç-dörd gün olar Titrəyən bir əsəbi səslə yanar - Bir xəbər yaydı bütün yer üzünə Qanlı Qərb ölkələrindən ki, yenə, O faşist adlanan alçaq canavar Ki, onun əyri bitən dörd qolu var, “Leypsiq” altında yeyən zərbələrin Acısından canı yanmış, qalmış Dişlərindən tökərək qanlı irin, Quduz itlər kimi bir hal almış.
Üşbu hal ilə o müdhiş heyvan, Vyana işçiləri üsyanından Xəbər aldıqda, gəlir qeyzə, coşur, Kapital sinfinə imdada qoşur. Neçə günlərlə sürən qanlı vuruşma Əmək uğrundakı bu şanlı ordunun Qəhrəman işçi mübarizlərinin Ölümü ilə bitibsə, ancaq bu dərsi Əks təsir oyadır başlarda, İşçi, həp kəndli yoldaşlarda. Öylə təsir ki, ondan, ancaq İşçilər kütləsi bir dərs alacaq. Yenə beş gün sora əllərdə yaraq Qəhrəmanlar kimi baş qaldıracaq.
Bu gün ancaq kapital heykəlinin O çürük dişləri sarsaqca gülür. İşçi üsyanını boğmuş əlinin Pəncəsindən hələ də qan tökülür. O bu işlərdə, bu imkanlarda Həp faşist “ilahəsindən” güc alır. Sərxoş olmuş kimi şantanlarda Tans edir, “Şanlı” zəfər marşı çalır.
Bu qədər gurlama, hayqırma, saqın... Ey qudurmuş kapital, dinlə sən... a! Bil ki, atəşli yaraqlarla yarın Qalxacaqdır yenə Berlin... Vyana.
Mənafzadə Sabit “Zəhmət” â„– 14, 30 mart 1934
|