Töhfeyi-ədəbi
(Oxuculara bayramlıq) Tənha qalaraq fikrim Hərdəm məni bir yanlar. Söylər ki, həqiqətdə Sarsaqlamış insanlar! İnsanlara üz tutmuş Bu seyli-bəla nolsun? Hər kəs çalışır bir cür Gülzari-vəfa solsun. Əlhəq bu çalışmaqdan İnsanlığa ar olsun. Aya, bu həmiyyətimi?! Qanim daşıb dolsun Tufanlı dənizlərtək Dəvədəki meydanlar, Bax gör ki, həqiqətdə Sarsaqlamış insanlar.
Bəsdir, dəxi iyrəndim Nami bəşəriyyətdən! Bir kəsdə əsər yoxdur Sevdayi-həmiyyətdən, Zira ki, dolub başlar Boş kibrü məniyyətdən. Tovlid olunur vəhşət Nami mədəniyyətdən, Üşbu sözə şahiddir Nahaq tökülən qanlar, Bax, gör ki, həqiqətdə Sarsaqlamış insanlar.
Qan içmək üçün düşmən Sərşari-məsərrətdir. “Zindani”-qürur içrə Məhkumi-əsarətdir. Bu vəchilə insanlar Şayisteyi-nifrətdir! Hümmət, a vətəndaşlar, Kim mövqei-üsrətdir. Düşmənlə daşıb dolmuş Vüsətli biyabanlar, Qan içməyə etmiş Daş qəlbli insanlar.
Əflakə göründükcə Bu hali-məlalənduz Yasilə baxar ərzə Xurşidi-cahanəfruz. Həp fərqi məlal olmuş Bu hadisədən novruz. Çün Qars mahalından Bu naleyi-vicdansuz Fəryad edərək səslər: İmdad, a müsəlmanlar, Fəryad, a müsəlmanlar!
Dastançı “Məzəli”, â„– 10, 7 mart 1915
|