Rahilə təsəlli
Rahilə[1] təsəlli Qəm çəkmə əbəs, qüdrəti-yəzdan unudulmaz! Şeytan var ikən, həzrəti-Sübhan unudulmaz. Rahil dayı! Vallahi, bu dövran unudulmaz. Hər şey unudulsa, meyü canan unudulmaz. Zatindəki ol “Şöleyi-ürfan” unudulmaz. Asarı olan “Şərhi-Gülüstan” unudulmaz. Sanma yaxalır qüdrəti-əbnayi-zəmanın, Rəyakeş olur hər yerə zövqi üçəlatın. Keçməz işə bu əsridə kizbi cühəlanın Fikr eyləmə, məhv olsa da ismi ürəfanın Zatindəki ol “Şöleyi-ürfan” unudulmaz. Asarı olan “Şərhi-Gülüstan” unudulmaz. Aləmdə əgər qalmasa da rəhm mürüvvət, Məhkumi-xəyal olsa əfkari-həqiqət. Dövlət ulağa, nemət itə olsa da qismət, Heç bir kişidə olmasa da ar ilə qeyrət, Zatindəki ol “Şöleyi-ürfan” unudulmaz. Asarı olan “Şərhi-Gülüstan” unudulmaz. Sən baxma bu bidinlərə, get sahibi-din ol! Aldanma hədis əhlinə, sən əhli-yəqin ol! Başla işini, sənətini, guşənişin ol! Dünya var ikən get, kişi, yat, dincəl, əmin ol, Zatindəki ol “Şöleyi-ürfan” unudulmaz. Asarı olan “Şərhi-Gülüstan” unudulmaz. İslamın əsası yıxılıb olsa da bərbad, Bir kimsə əgər etməsə də onlara imdad, Sancsa Vətənin bağrına gər tiğini Şəddad, Sən olma, kişi, qapı-qapı gəzməyə metad, Zatindəki ol “Şöleyi-ürfan” unudulmaz. Asarı olan “Şərhi-Gülüstan” unudulmaz. Qəm çəkmə, əgər cəhl evi olmuşsa dəbistan, Düşmüşsə ulaq peyinə əzhari-“Gülüstan”, Gər yazsa da xırda şüəra min cürə dastan, Hətta həqq özü göndərə yüz min yerə Quran. Zatindəki ol “Şöleyi-ürfan” unudulmaz. Asarı olan “Şərhi-Gülüstan” unudulmaz. Aləm dəyişib, qüdrəti-qadir unudulsa, Cahil ucalıb, arifü Şair unudulsa, Qanun pozulub, Sabirü, Cabir unudulsa, Əlqissə, bütün batinü zahir unudulsa, Zatindəki ol “Şöleyi-ürfan” unudulmaz. Asarı olan “Şərhi-Gülüstan” unudulmaz.
Tikançı “Molla Nəsrəddin” â„– 12, 12 may 1914 a
|