Bir lövhə qarşısında
Keçənlərdə Avropa məcmuələrinin birisində “Müharibə dəhşətləri”nə race məşhur bir rəssamın məhsuli-məharəti olan bir təsvir gözümə ilişdi. İnsanlığın bugünkü əhvali-müdhişəsini kəmalincə təsvir edən o lövheyi-məlal məni tamaşaya cəlb etdi. Baxdım, baxdım... Nəhayət, ustadi-mahirin kağız üzərində yapdığı mənzərələr mənim emaqi-xəyalimdə canlandı, daha doğrusu şeir olmağa başladı. İştə: 1 Qarşımda şü lövheyi-fəlakət Başdan-başa bir mühiti-qəmdir. İnsanlıq üçün mədari-ibrət Bir canlı nümuneyi-ədəmdir... Baxdıqca bu vəz'i-halə hər dəm Gözdən tökülür də qanlı yaşlar. Ruhim həyəcani-yasə başlar. Fikrimdə cahan olur mücəssəm Bir səhneyi-purməlalə bənzər! 2 Atəşlə böyük-böyük binalər Yanmış da xərabəzarə dönmüş, Qalmış bu od içrə binəvalər, Hər cümləsinin həyatı sönmüş. “Bir yanda zavallı madəri-zar Həsrətlər içində hüznə dalmış, Qan-yaş tökərək sızıldar, ağlar, Guya çocuğundan ayrı qalmış – – Zəncirə düşən qəzalə bənzər!..” 3 Yatmış qan içində tazə damad, Biruh ləbində cayi-busə, Bax iştə o nazlı novərusə Hər ləhzə edər də ahü fəryad. Bilməm kimi yad edib də hər an, Əflakə bülənd olur sürudi. Can vermədə bir çocuq acından, – Həp şiddəti-zəfdən vücudi Məğribdə çıxan hilalə bənzər. 4 Heyhat. Bu faciati-dövran İnsanlığa eyləməzmi təsir? İştə mədəniyyət, iştə insan İnsanlığı göstərir bu təsvir, Yekdigər üçün bu xəlq yeksər Bir qorxulu, bir sitəmli cəllad. Vicdan buna qarşı nifrət eylər. – Zira ki, cahan bəcəhti abad Bir mərəkeyi-qitalə bənzər. 5 Hər yanda həyatə qarşı eyvah! “Möhvt”ün gülüyor liqayi-şumi. Hər çöhrədə rəhmə qarşı ikrah, Hər yanda bu dəhşəti ümumi – Ati deyilən bu mövti-həmrah Göydə, qərədə, dənizdə hakim. Söylər – mənəm indi hökmə dara İtlafi-nüfusdan nə bakim?! “Təxlisi-bəşər məhalə bənzər!”
Mənafzadə Sabit Aşqabad. “Qardaş köməyi” 1917, â„– 1
|