Eydi-novruz-xitabeyi-cansuz
Ey zinəti-arayişi-ədvari-təbiət, Vey kaşifi-qüdrət. Oldun yenə min hüsnü cəmal ilə nümudar, Pək calibi-ənzar. Sənsən bütün afaqə verən ruhü təravət, Həp mayeyi-nəzhət. Ənfasi-lətifinlə cahan oldu çəmənzar, Ey fəsli-şəndar. Şövqünlə olur dəhridə hər aşiqi-məhcur Min qəlb ilə məsrur. Bülbül sən ilə öz gülünün vəslinə nail, Aləm sənə mail. Heyfa, bu əvaxirdəki bir vəlvəleyi-şur. Qılmış səni rəncur. Etmiş bütün afaqə verən eyşini batil, Insanları bidil. Bax, bir necə gör aləm olub ərseyi-matəm, Möhnətgədeyi-qəm. İnsanlar olub qərq bütün bəhri-məlalə, Bir qüssəli halə. Tutmuş yer üzün bir zülməti-əzəm, Bir leylayi-müzləm. Qalib gələrək əşüə xürşidü hilalə, Sövq etdi zəvalə. İslamə səmadən yağıyor qüssəvü alam? Möhnətli bir aləm. Gündən-günə məhv olmağa həp eyləyir iqdam Milliyyəti-islam. Ümmətdə isə zərrəcə yox izzətü namus, Əfsus, səd əfsus.
M. Ə. Mənafzadə. Bakı. 5 mart “Sədayi-həqq” 7 mart 1913
|