Fəryad
Çalındı təbli-cəfa ləşkəri-mürüvvətə qarşu, Ucaldı beyrəqi-zülmü sitəm ədalətə qarşu. Yığıldı yırtıcı qurdlar sipahi mövqei-rəzmə, Atıldı tiri-mühən qəleyi “səadətə” qarşu. Cəhani tutdu bütün inqilabü şurişü şivən, Nümunə göstəriyor şurişi-qiyamətə qarşu. Səmayə ovc edərək qalxdı ahi-məzluman, Ucaldı sədd çəkib mövqeyi-icabətə qarşu. Xəzani-zülm ilə yeksər dağıldı külşəni-amal, Göyərdi xari-ədavət güli-məhəbbətə qarşu. Sitəmlə külşəni-islamə əsdi sərsəri-nikbət, Vuruldu tişeyi-qəm rişeyi-şərafətə qarşu. Aman, xuda! Bu nə zillət, bu nə rəzalətü nikbət, Bu nə hidusu fəlakət məqami-izzətə qarşu. Cəhani zülmətü cövr etdi müsəxxər! İlahi, Şüai-ədli müzəffər buyur bu zülmətə qarşu.
|
© 2011 Ədəbiyyat portalı - www.azerlit.info