Nidayi-təəssür-təraneyi-hal
Ey könül, bir baş götür, bu günkü halə bax! Ağla qan, bu cəhl odilə odlanan əhvalə bax!
Gör nə növi atəşi-bidad olmuş şölələr, Düdeyi-cövri sitəm afaqi tutmuş sərbəsər. Ünsüri-islam olub yeksər pərişan, dərbədər, Bu həvadisdən bizi qoymuş cəhalət bixəbər, Öz işindən bixəbər, bifikr olan cəhhalə bax.
Bəs ki, yardıq, etmədik aləmdə təhsili-kəmal, Cəhldən tapdı bütün ərkani-ümmət ixtilal. Getdi namusu şərəf, milliyyət oldu payimal, Gör nə növi aləmi-islami tutmuş qiylü qal Sən də göz aç, yaxşı bir fikr et, bu qiylü qalə bax.
Bir təsəvvür qil, nə qədri gör fəndir halımız, Elmsizlikdən pozulmuş rişteyi-iqbalımız. Kor-koranə hamı əqvalımız, əfalımız, Məhv olur məqsudumuz, əfkarımız, amalımız, Böylə qəflətlə ürəkdə bəslənən amalə bax!
Nuri-elmi söndürüb cəhlə qıldıq iqtida, Qalmışıq ovzai-əsrə cümləmiz bietina... Vəqti-hazirdə fəraqətlə edib ömrü fəna, Hali-hazırda belə imrazi-cəhlə mübtəla. Yox təvəkküldən səva bir fikri-stiqlalə bax!
Qərni bistimdir, oyan, keçdi dəxi həngami-xab, Olmuş afaqə təcəllayi-tərəqqi ləmətab, Başqa millətlər fünunu elm üçün eylər şitab, Olmuşuq biz ruzü şəb sərgərmi-səhbavü şərab. Bəhsimiz olmuş ruxi-dilbərdə xəttü xalə bax.
Mənafzadə M.Ə.Sabit “Həqiqəti-əfkar” â„– 3, 19 noyabr 1911 “Sədayi-həqq” â„– 210, 13 noyabr 1913
|