Göz aç!
Göz aç, ey dil ki, dünya özgə vəzə bərqərar olmuş, Cəhani-adamiyyət elmilə sahib mədar olmuş.
Münəvvər eyləmiş şəmsi-hünər afaqi sərtapa Yağır baruni-qəm əbri-sitəmdən bir bizə tənha. Münadi qeybdən eylər nida, ey milləti-əma, Oyan, bu qədri-qəflət bəstərindən, yatma bipərva, Ki, insanlar bütün elmilə sahib iftixar olmuş.
Fişari-cəhl içində qüvvəyi-ümmidimiz bitab, Bədənlərdən çıxıb ruh, təəssüb sust olub esab. Çoxu sərçeymeyi-qəflətdən etmişdir özün sirab, Çoxu cəhl içrə biməslək qalıb, şərməndeyi-əhbab, Çoxu əhbabdan üz döndərib, əğyarə yar olmuş.
Cəhalət içrə olduq rəhsipayi-vadiyi nikbət. Dağıldı elmsizlikdən bütün şirazeyi-ümmət, Faramuş oldu qeyrət, çıxdı yaddan hissi-milliyyət, Kimi aludeyi-qəflət, kimi dildadeyi-şəhvət, Kimi məsti-meyü işrət, kimi məhvi nigar olmuş.
Vətən gülzarı olmuş tündi-badi-cəhldən viran, Təvəffüqgahi-zülmət, ya ki, bir dəhşətli qəbristan, Əhali dərbədər, işlər pərişan, xəlq bisaman, Xəzan fəslindəki bülbül kimi avarə, sərgərdan, Gülün hicrində bülbül mübtəlayi-cövri-xar olmuş.
Əzizm, baş götür, bəsdir dəxi, təcdidi əfkar et! Gəl bu elmilə xəlqi vəzi-hazirdən xəbərdar et, Cəhalət xabigahində yatan əşxası bidar et, Uca sovtilə səslən, hər zaman bu beyti təkrar et, Ki, insanlar bütün elmilə sahib iftixar olmuş.
M.Ə.Mənafzadə “Həqiqəti-əfkar” â„– 6, 25 noyabr 1911
|