Füzuli xatirəsinə
(beşləmə) Ədəbi fəaliyyətinin 400 illiyi üçün
Şeyx şərh eylərsə də cənnətdə qılman olduğun, Məncə bilmişdir bunun yersiz bir ünvan olduğun. Qorxusundan etiraf etməz peşiman olduğun, “Nola zahid bilsə küfri-zülfün iman olduğun, Şimdi görmüşlərmidir kafər müsəlman olduğun?”
Binəva qafil uyub ovhamə, düşmüş qəflətə, Sərf edir ömrün riyakaranə bir vəziyyətə, Məndən öyrənsin təriqi-küfri, çatsın rahatə, “Mən əgər kafər olub, din verməyəydim qarətə, Kim bilirdi eşq mülkün kafəristan olduğun?”
Laübalı bir şeyəm, Azadə, Şeyda, Sərsəri, Eşq dəstanilə rüsva, ürfü adətdən bəri. Rüh sərməsti-cünundur, həp könül qan saçəri, “Qıl səvab, ey göz, töküb qan, vaqif et alimləri, Meyl edənlər eşqə bilsinlər cigər qan olduğun”.
Bir cocuqtək əylənir, zövq eylərəm məsrur, şən, Dilbəri-amalımın baziçeyi-eşqilə bən. Gah qalır eşqində Sabit, gah olur peymanşikən. “Eşqini asan bilib, oldum əsiri tifl ikən, Bilmədim getdikcə bir aşubi-dövran olduğun”.
Əğli dinlərsəm, deyir: Sevdayə pabənd olma bəs, Çünki, canan vəslinə hər aşiq olmaz dəstrəs, Şahrani-eşqin hər səmtində var min xarü xəs “Ey Füzuli, xüblər vəslinə eylərsən həvəs, Guya bilməzmisən vəsl içrə hicran olduğun”.
Dastançı “Molla Nəsrəddin” â„– 21, 22 may 1925
|