Ərzi-məhəbbət
“İmad” Əfəndiyə ithaf Nə növ ilə ki, bülbül güldən izhari-cəmal istər, Mənim də xatirim, ey gül, səni bülbül misal istər. Sühabi-zülmü rədd et, parla güntək, çıx, nümudar ol! Şü zülmətdə əsiri-zülm olan könlüm vüsal istər. Usandım büsbütün biganələrdən, ey gözəl yarım, Lisani-fikrətim ancaq səninlə həsbü hal istər. Işıq şəkli cövrən, əyri qaşların afaqi-hüsnündə Biri xurşidi xoşlar, digəri şəkli-hilal istər. Dəhanın qonçası xəndan olarkən güldürər ruhi, Pərişan zülfün ancaq aşiqi aşüftəhal istər. Xəti-hüsnün yazarkən xanə, yalnız bircə səhv etmiş – Bunu təshih üçün ziri – “ləb”in bir nüqtə xal istər. Rəqibi-səngdil üşşaq üçün vəslin rəva görməz, Həmişə fitneyi-xunriz başlar, qilyü qal istər, Məhəbbət xaməsin təhriri vəsfi-yardan saxlar, Lisani-eşqimi hər bir zaman mədhində lal istər. Cəmali dilbəri-hürriyyəti tərif üçün Sabit Sənin təbin kimi bir tutiyi-şirinmənqal istər.
Mənafzadə Sabit “Bəsirət” â„– 17, 16 avqust 1914
|