Tülui-sübh
Vəqta ki, tülui-sübhi-gahan Nurilə fəzadə açdı meydan. Min təntənə ilə şəmsi-ürfan Məğrib tərəfindən oldu taban. Zülmət qoşununda qalmayıb can, Həp cümləsi oldular gurizan, Ənvari-günəşlə doldu hər yan, Qalxız başın, uyqudan kənar ol!
Bax gör necə hökmrani-nəzhət Afaqə bağışlamış təravət. Məşşateyi-arizi-təbiət Vermiş çəmənə bir özgə zinət. Cəh-cəh urur əndəlibi hikmət, Key naimi-bəstəri, cəhalət, Bəsdir daxi bunca xabi-qəflət, Aç çeşmi bəsirət, huşyar ol!
Bu səslə oyandı cümlə aləm, Baş qovzadı xabi-cəhldən həm, Gördü ki, keçibdi leyli-müzləm, Afaqi tutub şüai-əzəm. Təksiri-ziya edir dəmadəm Sən də gözünü aç, ol müsəmməm, Et nəçeyi-xabi-cəhli bərhəm Ənvari-günəşlə nəşədar ol! Qəflət yuxusundan et təbərra, Diqqətlə açıb da çeşmi-bina Qıl vəzi-cəhanə bir təmaşa. Bax, gör nədi bunca surü qovğa Dünya üzünü tutub sərapa. Gəlmiş həyəcanə kuhü səhra Bu vəzi-qəribi sanma bica, Fikr eylə bu yolda əhli-kar ol! Elmü-hünər ilə cinsi-insan Olmuş hamı kainatə sultan. Icadi-sənaye ilə hər an Ecazi-təmam edir nümayan. Bu sənətü elmi-kovni-imkan Gördükcə qalırlar cümlə heyran. Get, kəsb elə sən də elmü ürfan, Onlar kimi sahib iqtidar ol! Ərradeyi-hümmətə süvar ol! Sərmənzili əqlə rəhsüpar ol! Hər bir əməlində huşiyar ol! Öz həqqüvə sahib ixtiyar ol! Ovrəngi-şərəfdə bərqərar ol! Ta sahibi-izzü iftixar ol! Insanlar içində bəxtiyar ol!
M.Ə.Mənafzadə - Bakı, 23 aprel “Sədayi-həqq” 25 aprel 1913
|