QƏLƏMİMƏ BƏNZƏTMƏ
Sinəm atəşgədə, bir parça şərərdir qələmim, Mənbəi-büxl ürəyim, aləti-şərdir qələmim.
Təkcə bir şairi-bivahiməvü pürhünərəm, Min oxa, süngüyə, şəmşirə dəyərdir qələmim.
Kəndimi “xadimi-millət” – deyə öysəm yaraşar, Rəhnümayi-rəhi-əbnayi-bəşərdir qələmim.
El bilir mən nəyəm, artıq nə üçün gizlədəyim, Dərdsəri-ümmət üçün xəlqə zərərdir qələmim.
Söyüşüm ərsəsidir, səfhəsi məcmuələrin, Əldə bir hərbeyi-xunrizi-düsərdir qələmim.
Cəhlin issiz, qaradonlu gecəsin bayquşuyam, Çəkməyə hər tərəfə cismimi pərdir qələmim.
Zəhri-can, ruha əza, söylədiyim səfsətələr, İntiqad oxlarına qarşı sipərdir qələmim.
Birlik, ülfət və məhəbbət telinin qayçısıyam, Bixi-nəxli, əməli-qövmə bətərdir qələmim.
Təfriqə şəhri, nifaq ölkəsinin cütçüsüyəm, Səpdiyi tüxmi-qərəz, büğzi-kədərdir qələmim.
Dəftərim zülməti-leyli-qüdəma şəbpərəsi, Həm nəvisəndeyi-təhdidi-xətərdir qələmim.
Al, oxu şeirimi, yansın ciyərin, eylə həsəd, Söz deyil yazdığı ki, dürrü gühərdir qələmim.
Qoy gözü ağrısın, əşarıma “pisdir” – deyənin, Tökdüyü hər kəs üçün nuri-bəsərdir qələmim.
Hasili-şeirimə pəh-pəh deyənin nokəriyəm, Sıxdığı öylə ağızlara şəkərdir qələmim.
Əyrimə düz deməyən, kim olur olsun, vururam, Bax ucu nizə kimi qan ilə tərdir qələmim.
Dəstəsi zərdir qələmim, Xuni-ciyərdir qələmim. Düşməz, Düşmənə yutdurduğu şey Acı bibərdir qələmim. 1916
|