Xabi-qəflətdən oyansun eşqi-dildar istəyən,

Bülbüli-şuridə olsun vəsli-gülzar istəyən.

Ney kimi bağrın dəlib, hər dəmdə nalan eyləsün,

Dərdilə yansın, yaxılsın vəsləti-yar istəyən.

Aşiqin yanmaqdan özgə dərdinə dərmanı yox,

Yanmağa pərvanə bolsun şəmi-rüxsar istəyən.

Aşiq oldur canü dildən dərd qıldı ixtiyar,

Dərdinə dərman buldu dərdi təkrar istəyən.

Can verib bir can üçün yansa Həbibi, qəm deyil,

Masəvadan fariğ oldu vəsli-dildar istəyən.