Qalmazsan sən xaradan,

A nimtənə, nimtənə.

Atlasdan, zərxaradan,

A nimtənə, nimtənə.

Gəlmisən Buxaradan,

A nimtənə, nimtənə.

Sən yaraşıqsan mənə,

A nimtənə, nimtənə.

Ərişin iplikdəndir,

A nimtənə, nimtənə.

Ərəcin ipəkdəndir,

A nimtənə, nimtəiə.

Butan çiçək-çiçəkdir,

A nimtənə, nimtənə.

Yaraşırsan geyənə,

A nimtənə, nimtənə.

Üstündə al butan var,

A nimtənə, nimtənə.

Səni başa atan var,

A nimtənə, nimtənə.

Yorğanında yatan var,

A nimtənə, nimtənə.

Bir dənəsən, bir dənə,

A nimtənə, nimtənə.

Həşyələrin qırmızı,

A nimtənə, nimtənə.

Bəzər paltarımızı,

A nimtənə, nimtənə.

Bəzər gəlinı, qızı,

A nimtənə, nimtənə.

Atlas deyiblər sənə,

A nimtənə, nimtənə.