NƏ DƏ CÜMƏ GÜNÜ
Molla Nəsrəddin bir boyaqxana dükanı açıb boyaqçılıq eləməyə başlayır. Bir gün birisi paltarlıq şal gətirib deyir: - Molla, bunu boya. - Nə rəngə boyayım? - Elə rəngə boya ki, ondan dünyada olmasın. - Necə yəni «dünyada olmasın?» - Yəni nə qırmızı olsun, nə qara, nə göy, nə yaşıl, nə sarı, nə də ki ağ olsun. Aydındırmı? - Kefin istədiyi kimi boyayaram. - Yaxşı, nə vaxt gəlim aparım? - Elə gün gəl ki, nə şənbə olsun, nə bazar, nə bazar ertəsi, nə tək, nə çərşənbə, nə cümə axşamı, nə də çumə günü.
|
© 2011 Ədəbiyyat portalı - www.azerlit.info