Usta, məni gözlərinə fəda qıl,

Səndən saz istərəm, amma saz ola!

Dindirəndə imran dillə danışa,

Şeyda bülbüllər tək xoşavaz ola!

Yamanı yamana, yaxşını mərdə,

Tərifini edim Ò»ər düşən yerdə.

Dolaşmaya simlər, vurmaya pərdə,

Gözəllər tək onda işvə, naz ola.

Xəstə Qasım sözüm söylərəm əyan,

Elə car eylərəm, bəyanbəbəyan.

Qiymətin soruşsan, tamam on tümən,

Nə ondan çox ola, nə də az ola.