Genə fələklər ünüşdü
Genə fələklər ünüşdü Qurban-qurban sədasından. Məəttəl qalmışam, billah, Aşiqlərin ədasından.
Mövcə gəldi gözüm yaşı, Alışdı bağrımın başı, Səs götürüb dağı-daşı Bu Məcnunun nəvasından.
Getdi gözümün qarası, Getməz sərimdən havası, Elə bil tərlan balası Cüda düşüb yuvasından.
Kəsildi könlümün zarı, Tükəndi səbrü qərarı, Bir yol öldür qurtar barı, Bu hicranın bəlasından.
Gəldi Nəbati divanə, Kənar durun, qaçın yanə, Baxmaz o, xanü sultanə, Həzər qılın xətasından.
|
© 2011 Ədəbiyyat portalı - www.azerlit.info