Qonaq Kitabı
Ləbin əksi gözüm yaşini mey tək laləgun etdi

 

Ləbin əksi gözüm yaşini mey tək laləgun etdi,
Zənəxdanın muradım dəstgahın sərnigun etdi.

Sənə əksin müqabil durduğiçün hüsn lafilə,
Onu cam içrə qeyrət qərqeyi-girdabi-xun etdi.

Özün nisbət qılırdı zülfünə zəncir hər saət,
Bu sövdalər onu sərhəlqeyi-əhli-cünun etdi.

Onun tək kim, pərişanlıq ziyasın artırır şəmin,
Mənə cövrün ziyad olmaq, sənə meylim füzyn etdi.

Müjən xəncərlərin könlüm basır bağrına, vəhm etməz,
Ona cadu gözün guya ki, təlimi-füsun etdi.

Bəqayi-surəti-Şirin üçün tövfiq memarı,
Binayi-eşqi-Fərhadın asasın Bisütun etdi.

Füzulidən səbatü səbrü cövrü qəhr az istə
Kim, ol biçarəyi dərdü qəmin bihəd zəbun etdi.

 



 
[1] 
 
© 2011 Ədəbiyyat portalı - www.azerlit.info