GÜLÜŞMƏ
(Molla və mürid)
Molla: – Eşidibsənmi, balam, tazə xəbər? Mürid: – Nə, axunda, nə olubdur ki, məgər? - Gözün aydın ki, qəzetlər qapanıb! - Mən ölüm! Hankısı, hankı qapanıb? - Bağlanıbdır o “Həqiqət” və “Səda”, - Həmdüillah!.. ikisi ha... xa, xa, xa! - Di, sevindirməmi ver, şad oldun! Mürid: – Ax, nə allah tərəfi oldu bu iş! - Çox olar, qəlbini sən saxla geniş! - Nə səbəb oldu ki, bağlandı bular? - Baisi oldu “zabastovqa”çılar! - Qanmıram, söylə “zabastovqa” nədir? - Yəni işçiləri tətil elədi! - Elə tətil ilə tətil olunub? - Bəli, tətil ilə tətil olunub. Məyusanə: - Elə bildim ki, hökumət qapayıb, Dadı yox, indi ki, millət qapayıb. Ax! bu qəzetlərdə necə heyfim var! Gər hökumət qapaya keyfim var.
Məşədi Sijimqulu “Molla Nəsrəddin”, 1910, N 34.
|