OD TUTUB ODLANDI VƏTƏN...
Şahidi-hürriyyət əzakar imiş, Ax, bu gözəl türfə dilazar imiş!
Dil verə kim dilbəri-hürriyyətə, Bəlkə düşərmiş ələmə, möhnətə! Bilsə idim uymaz idim söhbətə Vəsli ilə düşməz idim niyyətə! Mən nə bilim böylə cəfakar imiş, Ax, bu pərişən nə dilazar imiş!
Aşiqi-rüxsarı o hurin məgər, Etməlidir tərki-bədən, canü sər? Od tutub odlandı vətən sərbəsər, Olmadı evladi-vətən bəxtəvər. Nəxli-ümid bibərü bibar imiş, Şahidi-hürriyyət əzakar imiş!
El hələ məşrutəni təqdir edir, Aşiqi-hürriyyəti təhqir edir. Molla çıxır minbərə təkfir edir, Babi, bəhani deyə təbir edir. Ax, bu yazıqlar özü bidar imiş! Yekcə xuda bəndəsi, dindar imiş!
Nəxli-əməl gəlməyəcək hasilə, Kəştiyi-qəm çıxmayacaq sahilə, Yüz ilə durmaz hələ bu qafilə, Dursa da yetməz, bilirəm, mənzilə, Mollanüma millətə sərdar imiş, Ax, bu gühənlər necə biar imiş!
Şəmşirək “Zənbur”, 1909, N 10.
|