AĞLARAM
Sehri-gülüstanda, Kür kənarında, Bu gün bir norəstəm qalıb, ağlaram. Ayrılıq cevrinin, dost fərağının, Sevdası başıma gəlib, ağlaram.
Yadıma düşübdür şux mələkzada, Görən o da məni salırmı yada? Mənim cismim səməndərdən ziyada, Hicran atəşilə dolub ağlaram.
Laçın qanadlıdan, tərlan tavardan, O hüsni-Yusifdən, mehr-ruxsardan, Züleyxa camallı, mahcəbin yardan, Fələk məni cida salıb, ağlaram.
Qəddi sənubərdir, uzarı bir gün, Sevdim cəmalını, oldum didərgin, Leylisiz Dilqəməm, mən oldum Məcnun, Səhralar məskənim olub, ağlaram.
|
© 2011 Ədəbiyyat portalı - www.azerlit.info