GİMNAZİYADA (MOLLA VƏ ŞAGİRDLƏR)
M o l l a: – Keçən ustadınız əla idi, ya mən, balalar? – Bilmirik biz hələ əmmamənin altında nə var. – O sizin fikr və əxlaqınızı pozdumu, ya? – Xayır, o pozmadı, şimdi pozacaqdır bu əba. – Nə əcəb vurmadı imanınıza bəs o, xələl? – O, müsəlman idi, səndən olur, olsa bu əməl. – Gədə, bijlər, bu nə sözdür ki, deyirsiz mənə siz? – Ay axund, ağrın alaq, doğrunu biz gizləməriz. – Yaxşı, bundan sonra mən gündə sizə çat qoyaram, – Becəhənnəm, nə qoyarsan, ona razı olaram. – Yazaram indi danos mən o direktor ağaya, – O sözü söylə gedəndə evinizdə çağaya. – Misyonerlər sizi yoldan çıxarıbdır, a bala, – Olur, əlbəttə, olanda bizə sən tək molla...
Kefsiz “Molla Nəsrəddin”, 1908, â„– 51.
|