BEYT
Oğul və ata
O ğ u l – Ay dədə, qoy məni gedim Məktəbə, orda elm oxum. A t a – Kəs səsini, a naxələf, Pis süd əməncə, bij toxum. O ğ u l – Ay dədə, rəhm qıl mənə, Sən kibi cahil olmuyum. A t a – Adə, çəkil kənarə get, Ay səni qəbrə quyluyum. O ğ u l – Tazə üsul ilə verir Dərsi-ədəb müəlliman. A t a – Öylə yeni müəllimə... Mən səni vermərəm, inan. O ğ u l – Versən o məktəbə məni Səncə günah olur məgər? A t a – Bəlkə günah olur nədir, Küfr oluram yerim səğər. O ğ u l – Ay dədə, söyləmə əbəs, Kafir edərmi şəxsi elm? A t a – Ay qoducaq, axund deyir Adəmi azdırır bu elm. O ğ u l – Qorxma, ata, bu məktəbin Nəfi də çoxdu, xərci az. A t a – Vallah, itil, vuracağam Başına bir yekə qapaz. O ğ u l – Ay dədə, elmsiz nasıl Mən bu zəmanda iş görüm? A t a – Ay vələdüzzina səni... Odda, ocaqda piş görüm. O ğ u l – Ay ata, elmü fənnsiz Şəxs qəni olarmı ya? A t a – Pul məgər elm ilə olur? Qurbağa oğlu, qurbağa. O ğ u l – Ay ata, elmsiz... məgər Var ulağ ilə fərqimiz? A t a – Heç be cəhənnəm, olmasın Boylədi səbkü rəngimiz.. O ğ u l – Durmaq olurmu boş-bekar? Bəs mənə söylə, neyləyim? A t a – Get mal oğurla, adəm at Kəsb elə, mən nə eyləyim? O ğ u l – Müxtəsəri, qoymursan Mən də bu məktəbə gedim? A t a – Şümrü Yezid olum əgər Mən bu günahə əmr edim. A t a – Bircə baxın, bu naxələf Söylədiyi cəfənglərə. Gör kimə tay edir məni, Bir para lağ səfehlərə. Yox, yox, amandı, qoymanam Bu işə mən heç uymanam. Min desələr də qanmanam, Atəşi- “veylə” yanmanam, Molla Qurut deyib mənə Özgə sözə inanmanam.
“Molla Nəsrəddin”, 1908, â„– 9.
|