İNŞAALLAH
Gələcəksənmi dünənki yerə? – İnşaallah! Olacaqsanmı şərik alverə? – İnşaallah! Sizdə, derlərdi, ğonaqlıq olacaq xeyr iş üçün, Verəcəksənmi qızı Qəmbərə? – İnşaallah! Evdə bəs baldızınız da dul idi, onu da həm Verəcəksənmi yeni bir ərə? – İnşaallah! Bildir baş tutmadı, derdin ki, qalır, indi bu il Edəcəksənmi düyün Səfdərə? – İnşaallah! Tazə, dördüncü bir arvad alacaqsan dedilər, Çatacaqdırmı əlin dilbərə? – İnşaallah! Məni də doğrudu: təklif edəcəksənmi toya? Verəcəksənmi plov, bal, kərə? – İnşaallah?! Dün yığıncaq olacaq məscid önündə, dedilər, Rözəxan da çıxacaq minbərə? – İnşaallah! Küçəkənd mollaları bir tikə insafə gəlib, Az da olsa, baxacaq işlərə? – İnşaallah! Əlindən bir uşağın adını bundan sonra, Laməhala yazacaq dəftərə? – İnşaallah! İlk bahar açdı üzün dilbəri-hürriyyət ilə, Açacaq ay dəxi üz bir kərə? – İnşaallah! Uydu şeytanə müsəlman neçə qəri, indisə də Baxacaq tanrıya, peyğəmbərə? – İnşaallah! Bir nizamə düşəcəkdirmi müsəlmanın işi? Ya bu gunə gedəcək məhşərə? – İnşaallah!
Məşədi Sijimqulu “Molla Nəsrəddin”, 1917, â„– 11.
|