MƏŞRUTƏ
Demə, İranzəmin içrə açıb üz yari-məşrutə, Edir ərzi-cəmal iranlıya dildari-məşrutə. Edir abad İran mülkünü ədvari-məşrutə Açıb bərgi-şükufə, bar verir əşcari-məşrutə, De kim, təslim edir canın, şuluxdur kari-məşrutə.
Demə, İranda istedada malik kəs firavandır, Demə, həm talibi-məşrutədir, həm nikxahandır. De kim, məşrutəyə bunlar, ümumən, sırf düşmandır, Bəyi, xanı, əmiri, seyyidi, mollası şeytandır. Lisanından çalıbdır cümləsinin mari-məşrutə, Budur, təslim edir, canın, şuluxdur kari-məşrutə.
Dəmadəm hökmrandır hər tərəfdə qarğaşa, qovğa, Qoyur saətbəsaət sineyi-mülkə əcanib pa, Düşüb dəryayi-Qülzüm, eyləyir bu ərzi istila, Bu istiladan eylər bir təki nə xof, nə pərva, İçibdir cümləsi, guya olub xumari-məşrutə, Budur, təslim edir canın, şuluxdur kari-məşrutə.
Deyildir kari-məbusan, vəzarət təsliyətbəxşa, Səri-karə qonublar cümləsi surət kimi bica. Əhali sırf cahil, murdeyi-sədsalə, nabina, Əcəb bir qitədir, məxluqi yeksər tariki-dünya, Girər bu başlara asan, demə, əfkari-məşrutə. Keçər bu başlara, bil ki, çətin, əfsari-məşrutə.
Nə azadi, nə hürriyyət, deyil dər kari-məşrutə, Düşübdür rəxtxabə, xəstədir sərdari-məşrutə, O dünyayə tərəf dutmuş yüzün bimari-məşrutə Saralmış yarpağı, olmuş xəzan gülzari-məşrutə, Budur, təslim edir canın, şuluxdur kari-məşrutə.
Kefsiz “Molla Nəsrəddin”, 1911, â„– 43.
|