Nə şahü nə gədayəm, nə yesir, başımda halət var,

Nə qəmlə aşinayəm, nə fəna bəzmimdə rahət var.

Könül, amma məhəbbət bəhrinə min gəz səfər vardı,

Bilir təb’i-vücudimdə səri-eşqə məhəbbət var.

Əgər Şirin üçün dağ dəldi derlərsə Fərhadə,

Vəli, hər gündə min dağdələr Fərhadə nisbət var.

Nəbati mey içər, məhbub sevər derlərsə, gerçəkdir,

Kəmal əhli gözəl sevməkdə bir başqa həlavət var.