Qonaq Kitabı
BİR ZAMANLAR

 

Bir zamanlar sənin pəmbə kölgəndə

Pək bəxtiyar idim, nazlı dilbərim.

Hənuz bəxtiyarlıq duyulmaz bəndə,

Yalnız gülümsərdi məhzun gözlərim.

 

Ayrılıq nə yaman dərd imiş, aman!

Sənsiz halım gündən-günə pərişan,

Vüslət dəmlərini anar da hər an,

İzlər yollarını yorğun gözlərim...

 

Sənsiz bütün duyğularım bunalmış[i],

Zеhnim, fikrim durmuş, həp dona qalmış,

Uyqum çəkilmiş, gönlümü qəm almış,

Yalnız arar səni vurğun gözlərim.

 



[i] Sıqılmış, boğulmuş.

 



 
[1] 
 
© 2011 Ədəbiyyat portalı - www.azerlit.info