Bəs ki, bu üzdəniraqlar ilə yoldaş oldum
Bəs ki, bu üzdəniraqlar ilə yoldaş oldum, Şərbəti-qənd ikən şireyi-xaşxaş oldum.
O mələk-mənzərə aşüftəvü heyran olanı, Səgi-şəbgərd kimi dideyi-xəffaş oldum.
Əhrimən tək neçə yol eşq büsatın yığdım, Genə fərmani-Süleyman ilə fərraş oldum.
Istədim ta ki, olam lə’li-ləbin sərrafı, Eşq biçizi olub qızlara beşdaş oldum.
Canü dil verdi Nəbati sənə, dəxi nəyi var? Demə, billah ki, əcəb aşiqi-qəllaş oldum.
|
© 2011 Ədəbiyyat portalı - www.azerlit.info