Qonaq Kitabı
BÜLBÜL

 

Oxu, bülbülüm, oxu,

Yazdır, səhər çağıdır.

Oxu, sənin xoş səsin

Şənliklər qaynağıdır.

 

Oxu, oxu, xoş nəğmən

Nəşə versin ellərə.

Şən səsin, xoş nəfəsin

Yayılsın bu çöllərə.

 

Oxu, çöldə, çəməndə,

El əkəndə, biçəndə,

Başla yeni bir dastan,

Biz bənövşə dərəndə.

 

Bülbülüm, tik yuvanı,

Bəslə, böyüt balanı.

Qoy nəsliniz çoxalsın,

Biz böyüyən zamanı.    

                                   1928

 

 



 
[1] 
 
© 2011 Ədəbiyyat portalı - www.azerlit.info