O BAXIŞLAR
O hərarətlə sevdiyim gözünü Yenə üç-dörd gün oldu görməyəli. Görərəm hər çiçəkdə mən izini, Qəlbimin ey sevimli şah əməli!
Kim bilir, yollarında, ey rəna Yüzlər ilə boyun bükənlər var. Ah, o göz dikdiyim baxışlarına Necə min başqa göz dikənlər var.
Kim bilir, hər gün öpdüyüm baxışın Nə qədər ruha saplanıb qalmış. O nəsim, o hava kimi axışın Kim bilir, sevgilim, nələr çalmış?
Səndə incə, sevimli, cazibədar Bir baxış var ki, az gülər üzümə. Həm də şimşək kimi bir an parlar, Sönər artıq gəlincə mən özümə.
O baxışlarda çırpınan ürəyim Diləyir gözlərindən hey imdad. Qəlbimi aç, görərsən, ey diləyim, Sızlayır hər telində min fəryad.
O baxışlarda sübhdən parlaq Bir ziya var, büllurdan daha saf. O baxışlarda dalğadan oynaq Bir şəfqət var ki, nurdan şəffaf.
Elə bir incə şersən ki, sana Ürəyim ilk baxışla ovlandı. Şairə can verən baxışlarına Baxsana, sənətim də bağlandı. 1932
|