VƏTƏN
Ey çeşmimin önündə mücəssəm, vətən, vətən! Qəlbim kimi ələmlərə həmdəm, vətən, vətən! Fikrim sarayını dolaşırsan zaman-zaman, Qanlı kəfənlə dərd ilə toəm[i] vətən, vətən! Baxdıqca həsrət ilə o solğun camalına, Çeşmimdə tar[ii] görsənir aləm, vətən, vətən! Axşam-səhər o gül üzünü isladan nədir? Göz yaşlarınmı, yoxsa ki, şəbnəm? Vətən, vətən! Dəhşət içində cismi-şərifin donub durur, Nolmuş vücudi-pakinə bilməm, vətən, vətən! Baxdıqca gül-çiçəkli o gülgün çəmənlərə, Möhnət evi sanır onu adəm, vətən, vətən! Sənsən səbə bəqayi-dilü[iii] cani-natəvan[iv], Canım kimi nolar səni sevsəm, vətən, vətən! Gördükcə dərdini əriyir cismi-natəvan, Ney tək sızıldayır dili-pürqəm, vətən, vətən! Qarşımda dərd, matəmə batmış gözəl mələk, Səslər həzin sadə ilə hərdəm, vətən, vətən! Ey xaki-pak, söndümü parlaq ziyaların? Oldunmu zülmə möhnətə həmdəm, vətən, vətən? Övladi-naxələfmi səni saldı bu günə? Eyvah, bu dərd, möhnətə dözməm, vətən, vətən! Aç, aç o qəmli köksünü, ey məxzəni-məlal[v], Bas bağrına bu Şaiqi möhkəm, vətən, vətən! 1905
|