Ol səbəbdən pasibanlar xoş nişan çəkmiş məgər?

Rəngü buyindən müzəyyəndir büsati-bəzmi-gül,

Xameyi-nəqqaşi-qüdrət gülsitan çəkmiş məgər?

Bu qədər lütfü nəzakət kim sənin hüsnündədir,

Lütfi-təbilə səni ol Natəvan çəkmiş məgər?

Nə mən olaydım, ilahi, nə də bu aləm olaydı,

Nə də bu aləm ara dil müqəyyədi-qəm olaydı.

Nə hicr atəşinə odlanıb yanaydı dilim,

Nə eşqin içrə könül böylə şad xürrəm olaydı.

Nə sərv qəddin olaydı, nə həsrətilə gözüm gur

Nə ruzgar fəraqində qamətim xəm olaydı.