Mən büti-Leyli əlindən olmuşam Məcnun kimi
Mən büti-Leyli əlindən olmuşam Məcnun kimi, İştiyaqindən dəmadəm ağlaram məhzun kimi.
Çeşmeyi-çeşmim suyundan seyl dutdu aləmi, Munca gəlmişdir Fəratü Dəcləvü Ceyhun kimi.
Gər cəmalın əksini yuxudə gördü ayü gün, Şol xəcalətdən qızardı qeyrətindən xun kimi.
Xameyi-qüdrət ki, çəkdi arizin lövhində xətt, Xansı kitab yaza bildi şol xəti-mövzun kimi.
Bu Xətayi bir gün almışdı ləbindən busələr, Gəldi çox günlər, vəleykin gəlmədi ol gün kimi.
|
© 2011 Ədəbiyyat portalı - www.azerlit.info